Иорданиянинг Амман шаҳрида бокс бўйича Осиё чемпионатининг ярим финал баҳслари 10 ноябрь, пайшанба куни бўлиб ўтмоқда.
-51 кг вазн тоифасида Ўзбекистон шарафини ҳимоя қилаётган Ҳасанбой Дўстматов ярим финалда Мўғулистон вакили Ҳаркҳу Энҳмандаҳга қарши рингга кўтарилди.
Биринчи раундда мўғулистонлик боксчи фаолроқ бўлди ва раунд унинг ҳисобига ёзилди. Кейинги икки раундда Ҳасанбой тўлиқ устунлик қилди ва сўнгги уч дақиқаликда рақибини нокдаун ҳолатига туширишга эришди. Якунда ҳакамлар бир овоздан Дўстматовнинг ғалабасини қайд этди.
Финалда Дўстматовга қозоғистонлик Сакен Бибоссинов рақиб бўлади.
Аввалроқ супер оғир вазн тоифасида вакили Лазизбек Муллажонов финал йўлланмасига эга чиққанди. Ундан олдин Саиджамшид Жаъфаров финалга йўл олган, Шаҳзод Музаффаров, Атҳамжон Муҳиддинов ва Асадхўжа Мўйдинхўжаев ярим финалда енгилиб, бронза медалига эга чиққани хабар қилинганди.
10 ноябрь куни яна қуйидаги боксчилар ўз жангини ўтказади:
Изоҳ (0)