Superliganing oktabr oyidagi eng yaxshi o‘yinchisi aniqlandi

“Navbahor” yarim himoyachisi Jamshid Iskandarov Superliganing oktabr oyidagi eng yaxshi o‘yinchisi deb topildi.

Iskandarov o‘tgan oyda 4 ta o‘yinda maydonga tushib, uchta gol va bitta golli uzatma muallifiga aylandi.

Ushbu nom uchun, shuningdek, quyidagi futbolchilar kurash olib borgandi

• Botirali Ergashev (“OKMK”) — 4 o‘yin, 3 quruq o‘yin, 5 seyv
• Dragan Cheran (“Paxtakor”) — 4 o‘yin, 5 gol
• Farrux Sayfiyev (“Paxtakor”) — 3 o‘yin, 4 assist
• Lima Kruz (“Nasaf”) — 4 o‘yin. 2 gol, 1 assist.

Jamshid iyun oyida ham Superligada oyning eng yaxshi o‘yinchisi deb topilgandi. Sentabr oyida Hojiakbar Alijonov (“Paxtakor”), avgustda Temurxo‘ja Abduxoliqov (“Qizilqum”), may oyida Oybek Bozorov (“Nasaf”), aprelda esa Ignatiy Nesterov (“Qizilqum”) oyning eng yaxshi o‘yinchisi sifatida e’tirof etilgandi.