Ijtimoiy tarmoqlarda Jizzax viloyati Visol to‘yxonasi Pedagogika universiteti oldidagi daraxtlarning tagi betonlab tashlangani haqida xabarlar tarqaldi. Jizzax viloyati Ekologiya boshqarmasi holatga munosabat bildirdi.
Telegram’dagi “Ekologuz” kanalining ma’lum qilishicha, xabar yuzasidan ekologiya va atrof-muhitni muhofaza qilish bo‘limi xodimlari o‘rganish ishlari olib borgan.
Natijada Yoshlar shaharchasi hududidagi 2 tup akatsiya daraxtining tag qismi ushbu hududni obodonlashtirish vaqtida asfalt qoplamasi bilan yopib ketilgani o‘z tasdig‘ini topgan.
Jizzax shahar ekologiya bo‘limi inspektorlari, shahar obodonlashtirish bo‘limi hamda atrofdagi tadbirkorlik subyekti xodimlari jalb etilib, hashar yo‘li bilan daraxt tag qismidagi asfalt qoplamalar ochilgan.
Izoh (0)