Qashqadaryo viloyatining Qarshi shahridagi 11-maktabda o‘qituvchilarga ikki oylik maoshi berilmayotgani, o‘qituvchilar bundan norozi ekan xabar berildi. “Daryo” holatga aniqlik kiritish maqsadida viloyat xalq ta’limi boshqarmasi bilan bog‘landi.
Boshqarma boshlig‘ining moliyaviy masalalar bo‘yicha o‘rinbosari Orif Umirovning aytishicha, o‘qituvchilarning maosh ololmaslik holati nafaqat 11-maktabda, qolaversa shahardagi 4, 11, 2, 5, 15, 27 va 31-maktablarda ham bor.
Bu holat hisobchilarning mas’uliyatsizligi bois kelib chiqqani ma’lum bo‘ldi. Muammo tez orada yechimini topadi. O‘qituvchilarga maoshlari to‘lab beriladi, — deydi mas’ul.Bu haqda bloger Kapitan Karimovga murojaat qilgan o‘qituvchilardan biri “Kreditimiz bor, uni qanday to‘laymiz? Bir kun kechiksa, telefon qilib pulni so‘rashadi. Lekin biz halol ishlagan oyligimizni ololmaymiz. Shaxsan men kanikuldan keyin ishlamayman”, degan.
Mazkur holat “Daryo”ning ijtimoiy tarmoqlardagi jonli efirida e’lon qilingach, viloyat xalq ta’limi boshqarmasi axborot xizmati rahbari Javohir Rustamov qo‘shimcha ma’lumot berdi.
Bugun Qarshi shahar xalq ta’limi bo‘limi mas’ullari tomonidan Qarshi shahridagi umumiy o‘rta ta’lim maktablarining sentabr oyi ish haqlari bartaraf etildi va oktabr oyi ish haqi ham tez orada to‘lab berilishini ma’lum qilamiz, — deydi mas’ullar.
Izoh (0)