8-noyabr kuni Oliy Majlis Qonunchilik palatasining navbatdagi majlisi bo‘lib o‘tdi. Majlisda “Izmir shartnomasini ratifikatsiya qilish haqida”gi qonun loyihasi deputatlar tomonidan birinchi o‘qishda ko‘rib chiqildi.
Qayd etilishicha, O‘zbekistonning Izmir Shartnomasini ratifikatsiya qilishi Iqtisodiy hamkorlik tashkilotiga to‘laqonli a’zo bo‘lish uchun huquqiy asos yaratadi va quyidagi imkoniyatlarni taqdim etadi:
- tashkilotga a’zo davlatlar hududida janubiy transport yo‘laklarini rivojlantirish bo‘yicha tashabbuslarni ilgari surish va mintaqada transport sohasidagi hamkorlikni rivojlantirish uchun platforma vazifasini o‘tash;
- tashkilot doirasida savdo-iqtisodiy hamkorlik va investitsiyalar jalb qilish, O‘zbekiston ishbilarmon doiralarining mintaqada savdo-iqtisodiy aloqalarni kengaytirish, yangi bozorlarga chiqish;
- tashkilot doirasida elektr energiyasi sohasida istiqbolli hamkorlik va yangi energiya magistrallarini qurish bo‘yicha loyihalarda faol ishtirok etish imkoniyati, shuningdek, O‘zbekistonni mintaqaviy elektr energiyasini yetkazib berishda asosiy bo‘g‘inga aylantirish;
- O‘zbekistonning ulkan turistik salohiyatini inobatga olgan holda ziyorat turizmi sanoati rivojlanishiga xizmat qiladi.
Majlisda qonun loyihasi deputatlar tomonidan qabul qilingan.
Izoh (0)