Samarqandda tadbirkorlarga ajratilgan yer maydonlarini sotish bilan shug‘ullanib kelgan shaxs qo‘lga tushdi.
DXX Samarqand viloyati boshqarmasi, Iqtisodiy jinoyatlarga qarshi kurashish departamenti viloyat boshqarmasi hamda viloyat ichki ishlar boshqarmasi hamkorligida o‘tkazilgan tezkor tadbirda Samarqand shahrida istiqomat qiluvchi M.A. bog‘dorchilikni rivojlantirish uchun davlat tomonidan tadbirkorlarga ajratilgan yer maydonlarini sotish bilan shug‘ullanib kelayotgani aniqlangan.
M.A. Samarqand tumanida joylashgan MCHJga qarashli, intensiv tokzor barpo etish uchun ajratilgan 4 gektar yer maydonini mahalliy fuqaroga sotish evaziga undan 55 ming dollar talab qilgan.
Olib borilgan tadbirlar natijasida fuqaro M.A. kelishilgan mablag‘ning 30 ming dollarini olayotgan vaqtida jinoyat ustida qo‘lga olingan.
Hozirda M.A.ga nisbatan Jinoyat kodeksining tegishli moddalari bilan jinoyat ishi qo‘zg‘atish bo‘yicha surishtiruv harakatlari olib borilmoqda.
Mavzuga doir:
Izoh (0)