“O‘zyo‘linspeksiya”ga qurilish-montaj ishlari sifatsiz bajarilgani yuzasidan kelib tushayotgan murojaatlar soni oshdi. Bu haqda inspeksiya boshqarma boshlig‘i Dilshod Oxunjonov ma’lum qildi.
Uning so‘zlariga ko‘ra, “O‘zyo‘linspeksiya”ga yanvar—sentabr oylarida jismoniy va yuridik shaxslardan 474 ta murojaat kelib tushgan. Bu ko‘rsatkich 2021-yilning shu davriga nisbatan 45 foizga oshgan.
Murojaatlarning 133 tasi avtomobil yo‘llari foydalanuvchilaridan kelgan.
61 ta murojaat bo‘yicha aniqlangan kamchiliklarni bartaraf etish bo‘yicha 80 ta ko‘rsatma berilgan. Ko‘rsatma talablarini muddatida bartaraf etmagan mansabdor shaxslarga tegishli choralar qo‘llash bo‘yicha ma’muriy bayonnoma rasmiylashtirilib, sud organlariga yuborilgan.
15 ta holat bo‘yicha 1 milliard 576 million 675 ming so‘m miqdoridagi sifatsiz bajarilgan qurilish-montaj ishlarini hisobotdan chiqarish yuzasidan buyurtmachilarga talabnoma kiritilgan. Ya’ni sifatsiz bajarilgan qurilish va ta’mir ishlari pudratchilar tomonidan, ularning o‘z mablag‘lari hisobidan qayta bajartirilgan.
Mavzuga doir: O‘zbekistonda qurilish sohasidagi talablar soddalashtirilmoqda
Izoh (0)