Donetskda temiryo‘lchilar ofisiga HIMARS’dan zarba berildi, Kiyevda rus armiyasidan qolgan qurol va kiyim-kechaklar sotilmoqda. Urushning 257-kunidan fotoreportaj
Amerikaning Maxar kompaniyasi sun’iy yo‘ldoshdan olingan tasvirlar tahlili yordamida Mariupol yaqinida 1500 dan ortiq yangi qabrlar borligini aniqladi (urush boshlanganidan beri mutaxassislar shahar va uning atrofida 4600 dan ortiq qabr topgan). Rossiya hukumati ma’lumotlariga ko‘ra, Ukraina Qurolli kuchlari “Donetsk temiryo‘li” ma’muriyatiga zarba bergan, qurbonlar yo‘q. Vladimir Putinning aytishicha, safarbar qilingan rossiyaliklarning 80 mingga yaqini allaqachon urushga yuborilgan, ulardan 50 mingga yaqini jangovar harakatlarda qatnashmoqda. Xerson viloyatining qo‘shib olingan qismida Rossiya tomonidan tayinlangan ma’muriyat “o‘ng qirg‘oqdan odamlarni evakuatsiya qilish” tugaganini e’lon qildi.
Donetskdagi temiryo‘lchilar ofisiga berilgan zarba oqibatlari
Tungi o‘qqa tutishlar oqibatida “Donetsk temiryo‘li” ma’muriyatida yong‘in sodir bo‘ldi. Rossiya rasmiylariga ko‘ra, Ukraina Qurolli kuchlari binoga kamida beshta HIMARS snaryadlarini otgan. Qurbonlar haqida ma’lumot yo‘q. Ukraina hodisaga izoh bermadi.Foto: “TASS”
Munitsipal ishchilar “Donetsk temiryo‘li” ma’muriyati joylashgan bino vayronalarni tozalamoqda.Foto: Reuters
Donetskda balkoniga Rossiya bayrog‘i ilingan aholi vakili.Foto: Reuters
“Donetsk temiryo‘li” ma’muriyati ustidan ko‘tarilgan tutun. Okkupatsion hokimiyat ma’lumotlariga ko‘ra, binoga — devor va tomga kamida ikkita HIMARS snaryadlari kelib tushgan.Foto: Reuters
Limandagi turar joy binosiga hujum oqibatlari
7-noyabr kuni Rossiya tomonidan o‘qqa tutilgan to‘qqiz qavatli turar joy binosida o‘t o‘chiruvchilar ishlamoqda. Rossiya istilosidan ozod qilingan Liman bir oydan ortiq vaqtdan beri Ukraina nazoratida — Donetsk viloyatida aholi punktlari uchun janglar to‘xtamayapti.Foto: AP Photo
Binoning burchak qismi birinchi qavatdan sakkizinchi qavatgacha vayron qilingan. Qutqaruvchilar birinchi qavatdan bir ayolni evakuatsiya qildi, qurbonlar va jarohatlanganlar haqida ma’lumot yo‘q.Foto: AP Photo
Frontga yaqin Avdeyevkadagi hayot
O‘qqa tutilgan ko‘p qavatli uy. Avdeyevka Donetsk viloyatida rus askarlari hozir bosib olishga urinayotgan shaharlardan biri. Shahar muntazam bombardimon qilinmoqda. Jumladan, 12-oktabr kuni rus armiyasi Avdeyevka markaziy bozoriga hujum qilib, yetti kishini o‘ldirgandi.Foto: Reuters
Avdeyevkada yashovchi kishi o‘tinga yaraydigan yog‘ochlarni velosipediga ortmoqda. Shaharda suv, elektr va gaz yo‘q. Ukraina Milliy politsiyasiga ko‘ra, 30 mingdan ortiq aholidan 1500 nafari Avdeyevkada qolmoqda.Foto: Reuters
Suv tashiyotgan kishi.Foto: Reuters
Urush boshidan beri Rossiya tomonidan bir necha bor hujumga uchragan Avdeyevka koks kimyoviy zavodining ko‘rinishi. Harbiy harakatlarga yaqin joylashgani sabab zavod ishlashdan to‘xtagan.Foto: Reuters
Odamlar jon saqlaydigan yerto‘lada avdeyevkalik keksa ayol.Foto: Reuters
Kiyevdagi topilmalar do‘koni
Kiyevdagi Ex Team do‘konida ilgari faol sport turlari uchun jihozlar sotilardi. Rossiya bosqini boshlanganidan beri bu yerda Ukraina armiyasi tomonidan topib olingan harbiy buyumlarni ham sotib olish mumkin. Ularni sotishdan tushgan pul Ukraina Qurolli kuchlarida xizmat qilayotganlar uchun harbiy texnika sotib olishga ketadi.Foto: EPA
Tankka qarshi granatalardan bo‘shagan trubalar.Foto: EPA
Sotuvchi Rossiya harbiy formasini ko‘rsatmoqda.Foto: EPA
Izoh (0)