Meta Platforms ushbu haftada xodimlarini keng ko‘lamda qisqartirishi haqida e’lon qilmoqchi. Bu haqda Wall Street Journal manbalarga tayanib xabar berdi.
Nashr suhbatdoshlariga ko‘ra, tegishli e’lon 9-noyabr, chorshanba kuni e’lon qilinadi va minglab xodimlar ishdan bo‘shatiladi. Kompaniya xodimlariga zarur bo‘lmagan safarlarni bekor qilish aytilgan. Meta xabarga izoh berishdan bosh tortdi.
Korporatsiyada jami 87 mingdan ortiq kishi ishlaydi. Gazeta aynan qancha xodim ishdan bo‘shatilishiga aniqlik kiritmadi, biroq foizlarda bu Twitter’dagi qisqartirishlardan kamroq ekanini qayd etdi. Noyabr oyida Ilon Mask Twitter’ni sotib olinganidan so‘ng kompaniya xodimlarining yarmini ishdan bo‘shatgan edi.
Meta Platforms (2021-yil oktabrgacha – Facebook Inc. deb atalgan) — Amerika korporatsiyasi bo‘lib, Facebook, Instagram va WhatsApp’ning bosh kompaniyasi. U dunyodagi eng qimmat korporatsiyalardan biri.
Izoh (0)