Gaia teleskopidan foydalanib, astronomlar Yerga eng yaqin qora tuynukni topdi, u sayyoramizdan atigi 1600 yorug‘lik yili uzoqlikda joylashgan va Quyoshnikidan o‘n baravar kattaroq massaga ega. Bu haqda MNRAS jurnalida chop etilgan maqolada aytiladi, deb yozadi Naked Science nashri.
Gaia BH1 qora tuynugi 10 Quyosh massasiga ega deb baholanmoqda va uning atrofida Quyosh tipidagi yulduz aylanadi. Ularning orasidagi masofa Yer bilan Quyosh orasidagi masofa bilan taxminan bir xil.
“Quyosh tizimini oling, Quyosh o‘rniga qora tuynukni, Yer o‘rniga Quyoshni qo‘yib ko‘ring va ushbu tizimni tushunasiz. Bu yulduz massasidagi qora tuynuk atrofida Quyosh tipidagi yulduzning keng orbitada aylanishiga oid birinchi ishonchli kashfiyot”, — dedi topilma mualliflaridan biri Karim El-Badri.
Gaia BH1 qora tuynugi 1560 yorug‘lik yili uzoqlikda joylashgan bo‘lib, u bizga eng yaqin qora tuynukdan taxminan yarim baravar yaqinroq. Ammo kelajakda yanada yaqinroq qora tuynuklar topilishi mumkin. Bir necha yil ichida Gaia teleskopi milliardlab yulduzlarning joylashuvi va tezligi haqidagi o‘ta aniq ma’lumotlar bilan osmonni tadqiq qilishni yakunlaydi. Ushbu kuzatishlar boshqacha usullar bilan deyarli ko‘rinmaydigan qora tuynuklarga tomon yo‘l ko‘rsatishi mumkin.
Izoh (0)