O‘zbekistonning Dubay shahridagi Bosh konsulxonasida Soulsip Sunny General Trading LLC kompaniyasi rahbari Mukesh Kochxar bilan uchrashuv bo‘lib o‘tdi, deb xabar bermoqda “Dunyo” axborot agentligi.
Qayd etilishicha, tadbirda xorijiy sarmoyadorlar faoliyati uchun yaratilgan shart-sharoitlar, ularga taqdim etilayotgan imtiyoz hamda preferensiyalar haqidagi so‘zlab berilgan.
Mukesh Kochxar O‘zbekistondagi o‘zgarishlar jarayoni, ishbilarmon doiralar vakillariga qaratilayotgan alohida e’tiborni katta qiziqish bilan kuzatib borayotganini ta’kidlagan.
Soulsip Sunny General Trading LLC kompaniyasi rahbari mamlakatda energetika, xususan, quyosh energiyasidan foydalanish bo‘yicha istiqbolli loyihalar, logistika, savdo-iqtisodiy va turizm sohasida o‘zaro hamkorlikni yo‘lga qo‘yishga qiziqish bildirgan.
Uchrashuv yakunida mazkur kompaniya delegatsiyasining o‘zaro manfaatli sohalardagi hamkorlik imkoniyatlarini o‘rganish va istiqbolli investitsiya loyihalari portfelini shakllantirish maqsadida O‘zbekistonga tashrifini tashkil etish bo‘yicha kelishuvga erishilgan.
Izoh (0)