Saudiya Arabistoni valiahd shahzodasi Muhammad bin Salmon qirollikning ilk avtomobil brendi – Ceer sotuvga chiqarilishini e’lon qildi. Saudiya matbuot agentligi (SMA) xabariga ko‘ra, u elektromobillar ishlab chiqarishga ixtisoslashgan.
Janob bin Salmonning aytishicha, Saudiya Arabistoni nafaqat yangi avtomobil brendini yaratmoqda, balki yangi sanoat va ekotizimni ishga tushirmoqda.
Ular xorijiy sarmoyani jalb qiladi, iqtidorli vatandoshlar uchun bo‘sh ish o‘rinlarini yaratadi, xususiy sektorni rivojlantirishga va kelgusi o‘n yillikda yalpi ichki mahsulot hajmini oshirishga hissa qo‘shadi, — deydi shahzoda.
SMA ma’lumotlariga ko‘ra, Ceer brendi ostida ichki va tashqi bozor uchun Yaqin Sharqda sotiladigan mashinalar ishlab chiqaradi.
Loyihaga 150 million dollar miqdorida xorijiy investitsiyalarni jalb etish rejalashtirilgan bo‘lib, 30 mingga yaqin ish o‘rni yaratiladi. 2034-yilgacha uning rentabelligi 8 milliard dollarni tashkil etishi kutilmoqda.
Ceer Saudiya Arabistonining suveren jamg‘armasi va Tayvanning elektronika ishlab chiqaruvchisi Foxconn o‘rtasidagi qo‘shma korxonadir.
Brend ishlab chiqarilishda BMW kompaniyasining litsenziyalangan komponentlar texnologiyasidan foydalaniladi. Birinchi Ceer mashinalari 2025 yilda sotuvga chiqarilishi kutilmoqda.
Izoh (0)