Саудия Арабистони валиаҳд шаҳзодаси Муҳаммад бин Салмон қиролликнинг илк автомобиль бренди – Ceer сотувга чиқарилишини эълон қилди. Саудия матбуот агентлиги (СМА) хабарига кўра, у электромобиллар ишлаб чиқаришга ихтисослашган.
Жаноб бин Салмоннинг айтишича, Саудия Арабистони нафақат янги автомобиль брендини яратмоқда, балки янги саноат ва экотизимни ишга туширмоқда.
Улар хорижий сармояни жалб қилади, иқтидорли ватандошлар учун бўш иш ўринларини яратади, хусусий секторни ривожлантиришга ва келгуси ўн йилликда ялпи ички маҳсулот ҳажмини оширишга ҳисса қўшади, — дейди шаҳзода.
СМА маълумотларига кўра, Ceer бренди остида ички ва ташқи бозор учун Яқин Шарқда сотиладиган машиналар ишлаб чиқаради.
Лойиҳага 150 миллион доллар миқдорида хорижий инвестицияларни жалб этиш режалаштирилган бўлиб, 30 мингга яқин иш ўрни яратилади. 2034 йилгача унинг рентабеллиги 8 миллиард долларни ташкил этиши кутилмоқда.
Ceer Саудия Арабистонининг суверен жамғармаси ва Тайваннинг электроника ишлаб чиқарувчиси Foxconn ўртасидаги қўшма корхонадир.
Бренд ишлаб чиқарилишда BMW компаниясининг лицензияланган компонентлар технологиясидан фойдаланилади. Биринчи Ceer машиналари 2025 йилда сотувга чиқарилиши кутилмоқда.
Изоҳ (0)