Apple kompaniyasi Interbrand talqini bo‘yicha dunyodagi eng qimmat brendlar reytingida o‘z yetakchiligini saqlab qoldi. Bu haqda “Kommersant” xabar bermoqda.
iPhone ishlab chiqaruvchisi ketma-ket o‘ninchi marta birinchi o‘rinni egalladi. Kompaniya brendining qiymati 482,2 milliard dollarga baholanmoqda, bu o‘tgan yilgidan 18 foizga yuqori.
O‘tgan yilgidek kuchli uchlikka Amazon va Microsoft kirdi. Bu safar ular o‘rnini o‘zgartirdi: Microsoft brendi yil davomida 32 foizga oshib, 278,3 milliard dollarga ko‘tarildi, bu unga Jeff Bezos kompaniyasini qariyb 3,5 milliard dollarga ortda qoldirish va reytingda ikkinchi o‘rinni egallash imkonini berdi. Amazon brendi 2022-yilda 274,8 milliard dollarga baholanadi.
Reytingga kiritilgan brendlarning umumiy qiymati yil davomida 16 foizga o‘sib, rekord darajadagi 3,1 trillion dollarga yetdi. Brendlar Interbrand reytingining butun davrida hech qachon bunday tez ko‘tarilmagan.
Eng qimmat brendlar o‘nligiga Google (251,75 milliard dollar), Samsung (87,7 milliard dollar), Toyota (59,76 milliard dollar), Coca-Cola (57,5 milliard dollar), Mercedes-Benz (56,1 milliard dollar), Disney (50,3 milliard dollar) va Nike (50,29 milliard dollar) kirdi.
Interbrand’ning doimiy ravishda eng yaxshi global ta’sirga ega brendlar ro‘yxatini taqdim etadi.
Mezonlarning qat’iyligi tufayli, hatto Alibaba kabi yirik kompaniyalar ham ro‘yxatdan chetda qolishi mumkin.
Asosiy mezonga ko‘ra, daromadning kamida 30 foizi brend ishlab chiqarilgan mamlakatdan tashqaridagi hududlardan olinishi kerak.
Izoh (0)