Toshkent shahar, Mirzo Ulug‘bek tumanidagi qurilishi tugallanmagan bino kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga “Ipoteka bank” tomonidan joylashtirilgan. 4 qavatdan iborat bino to‘liq sotuvga qo‘yilmoqda. Uning qurilishi tugallanmagani uchun xonalari soni noma’lum.
Yer uchastkasining umumiy maydoni — 0,11 gektar. Binoning maydoni — 2 581 kvadrat metr. Binoda kommunal xizmatlar yo‘lga qo‘yilmagan.
Auksionga qo‘yilgan inshootning boshlang‘ich bahosi — 28,7 mlrd so‘m. Arizalar 1-dekabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentda Hamid Olimjon maydonidagi savdo do‘koni auksionga qo‘yilgani haqida xabar berilgandi.
Izoh (0)