Fix Price O‘zbekistondagi barcha do‘konlarini franchayzi egalariga o‘tkazdi

Fix Price O‘zbekistondagi barcha do‘konlarini franchayzi egalariga o‘tkazdi. Bu haqda “Daryo”ga kompaniya moliyaviy hisobotidan ma’lum bo‘ldi.

Sentabr oyi oxirida O‘zbekistonda Fix Price tomonidan boshqariladigan birorta ham do‘kon qolmadi.

Iyun oyida u 10 ta savdo nuqtasiga ega bo‘lgan bo‘lsa, 2021-yil sentabr oyida bu ko‘rsatkich 42 tani tashkil qilgandi.

Hozirda franchayzing asosida faoliyat yurituvchi do‘konlar ro‘yxati sezilarli darajada kengaydi — 19 ta. Yozda bu ko‘rsatkich uchtaga teng edi.

Yil boshidan kompaniya jami 32 do‘konini yopdi. Bundan tashqari, Fix Price 2022-yilda O‘zbekistonda o‘zi birorta ham yangi do‘kon ochmagan.

Latviya, Gruziya va Qirg‘izistondagi Fix Price kompaniya tarmoqlarini ham hozirda franchayzi egalari boshqaradi.

Avvalroq Fix Price O‘zbekistondagi do‘konlar sonini keskin kamaytirgani haqida xabar berilgandi.