Xalq deputatlari Qamashi tuman Kengashi deputati Panji Nurtoyev o‘z vazifasini bajarayotgan “Daryo” jurnalisti Otabek Qo‘ldoshevni haqorat qilib, tilga olib bo‘lmaydigan so‘zlar ishlatdi.
Men deputatman, senga o‘xshagan jurnalistni urib qo‘yibman, — deydi deputat axborot olishga uringan jurnalistga.Shuningdek, u maktab o‘quvchisini o‘lasi qilib kaltaklaganini, uni o‘ldirmaganidan afsusda ekanini tan olgan.
“O‘sha o‘quvchini o‘ldirmaganimdan afsusdaman”, — deydi bu haqda gapirgan deputat.
Xohlasang, respublikadagi Aktamovmi (O‘zLiDeP Markaziy Kengashi raisi Aktam Hayitov nazarda tutilmoqda — “Daryo” izohi) degan anavi bor, spikermi? Tanzila Norboyevaga ham bor, deputatlikni ham urib qo‘yibman, seni ham urib qo‘yibman, — deydi deputat.Deputat jurnalist bilan suhbati yozib olinayotgani haqida ogohlantirilsa ham hech kimdan qo‘rqmasligini aytib, haqorat qilishda davom etgan.
“Daryo” deputatning ushbu harakati yuzasidan Xalq deputatlari tuman Kengashi kotibiyati va Xalq deputatlari viloyat Kengashi kotibiyati mas’ullari bilan bog‘lanib, deputatning ushbu harakati haqida ma’lum qildi.
Biz mazkur holatni nazoratga oldik va bu bo‘yicha munosabat bildiramiz, — deydi Xalq deputatlari viloyat Kengashi kotibiyati mas’uli Nilufar O‘taganova.
Izoh (3)
Панжи Нуртоевни тўлиқ қўллаб-қувватлайман. Бу ерда журналистни берган саволининг ўзи нотўғри. Қизини хонасига, уйига бегона бола кириб ўтирибди яширинча. Нима хуш келибсиз деб кутволиши керак эдими? Савол бераётган журналист сал фаросатини ишлатса бўларди. Депутатлигини нима алоқаси бор бу ишга?
To'g'ri qilgan deputat.
Tushinish kerak bu odamni nima desin urgan urishga loyiq ish bo'lga