“Daryo”da Qashqadaryo viloyatining Qamashi tumanida maktab o‘quvchisi tuman Kengashi deputati tomonidan kaltaklangani xabar berilgandi. Bosh prokuratura axborot xizmati rahbari Hayot Shamsutdinovning “Daryo”ga bildirishicha, maktab o‘quvchisini kaltaklagan deputat voqeasi bo‘yicha tergovga qadar tekshiruv boshlangan.
2006-yilda tug‘ilgan, Qamashi tumani XTB qarashli 22-sonli maktabning 9-sinf o‘quvchisi Elshod Keldiyorov shu maktabning 8-sinfida o‘quvchi, voyaga yetmagan Ch.P. bilan o‘zaro telefon orqali ishqiy munosabatda gaplashib yurib, 2022-yil 3-noyabrdan 4-noyabrga o‘tar kechasi 02:35 larda qizning uyiga borgan. Va deraza orqali uning yotoqxonasiga kirgan. Shunda Panji Nurtoyev Elshod Keldiyorovni qizining yotoqxonasida ushlab olgan. P.Nurtoyev o‘g‘li Sherzod Nurtoyev bilan birga voyaga yetmagan E.Keldiyorovni urib, unga tan jarohati yetkazgan, — deyiladi Bosh prokuratura axborotida.Ta’kidlanishicha, shu kuni tungi soat 04:00 larda voyaga yetmagan Elshod Keldiyorov kalla miya yopiq shikasti, bosh miyaning chayqalishi, yuzining ko‘p sonli to‘qimalari lat yeyishi bilan Qamashi tuman tibbiyot birlashmasiga yotqizilgan.
Hozirda holat yuzasidan sudga oid tibbiy ekspertiza tayinlangan. Holat Qamashi tuman IIBning navbatchilik qismidagi “Shakl-1” kitobiga ro‘yxatga olinib, dastlab tergovga qadar tekshiruv harakatlari tuman IIB huzuridagi Tergov guruhi tomonidan olib borilgan. P.Nurtoyev Xalq deputatlar Qamashi tuman Kengashi deputati bo‘lganligi sababli, tergovga qadar tekshiruv harakatlarini davom ettirish uchun to‘plangan hujjatlar Qamashi tuman prokuraturasi tergovchisi S.Husanovning ish yurituviga o‘tkazildi, — deyiladi mas’ullar izohida.Eslatib o‘tamiz, deputat Panji Nurtoyev ishini bajarayotgan “Daryo” jurnalistini haqoratlab, tilga olib bo‘lmaydigan so‘zlar qo‘llagandi.
Izoh (4)
Бу одам депутатлигининг нима қизиғи бор? Сарлавҳаниям жуда объектив бўлмаган ҳолда қўйибсизлар. Калтак еган бола тирик қолганига шукр қилиши керак аслида
O'sha jurnalistni qizi bilan ham shunday bo'lsinchi shu vaqtda birovga intervyu berib o'tirarkanmi?
O'lgani yaxshi edi buni
Buni nimasini tekshirishadi. Erkak kishi qilishi kerak bo'lgan ishni qilishibdi. O'ldirib qo'ymaganiga shukur qilsin.