Oliy Majlis Senati sayti 2-noyabr kuni xakerlar hujumiga uchragan edi. MY5 telekanalining “Markaziy studiya” ko‘rsatuvida ma’lum qilinishicha, bu hujum 14 yoshli bolalar tomonidan amalga oshirilgan.
Qayd etilishicha, 2-noyabr kuni “Senat.uz” rasmiy saytiga qilingan xakerlar hujumi tufayli resursning ish qobiliyati buzilgan. Shu munosabat bilan barcha ma’lumotlar nw.senat.uz saytiga o‘tkazilgan. Shu kunning o‘zida sayt faoliyati qayta tiklangan.
Telekanalga intervyu bergan 14 yoshli yigit bu hujum kimningdir ustidan kulib, mazax qilish uchun emas, balki saytning yaxshi himoyalanmaganini ko‘rsatish uchun qilinganini bildirdi. Shuningdek, uning boshchiligidagi 6 kishidan iborat xakerlar guruhi ilk bor 2019-yilda Kundalik.com saytiga buzib kirgan va maktabdagi baholarini to‘g‘rilab qo‘ygani ma’lum qilindi.
Yigit agar ularga imkoniyat berilib, qo‘llab-quvvatlansa, guruh davlat saytlarining kiberxavfsizlik masalalarida yordam berishini aytgan.
Izoh (0)