Namangan viloyatida 2–3 ballik zilzila sodir bo‘ldi

Favqulodda vaziyatlar vazirligi Seysmoprognostik monitoring respublika markazi xabariga ko‘ra, O‘zbekiston hududida 4-noyabr kuni mahalliy vaqt bilan 21:16 da zilzila sodir bo‘ldi.

Qayd etilishicha, episentr — Namangan viloyati Uychi tumani. Zilzila koordinatalari: 41,07 gradus shimoliy kenglik; 71,88 gradus sharqiy uzunlik.

Magnituda M=2,6. Chuqurlik 15 km. Zilzila episentri Toshkentdan 224 km janubi-sharqda. O‘zbekiston hududida sezilish kuchi:

• Uychi tumanida 2—3 ball, 6 km;
• Chortoq tumanida 2—3 ball, 7 km;
• Norin tumanida 2 ball, 19 km;
• Namangan shahrida 2 ball, 19 km;
• Uchqo‘rg‘on tumanida 2 ball, 20 km.

Avvalroq Qirg‘izistonda 1-noyabr kuni Toshkent vaqti bilan 09:35 da sodir bo‘lgan zilzila kuchi O‘zbekistonda sezilgani haqida xabar berilgan edi.