Andijonda o‘quvchilar bilan uchrashishga borayotgan viloyat hokimi Shuhrat Abdurahmonovning savollariga maktab o‘quvchilaridan shukronalik bilan javob berish, “svet” va gaz muammosidan gapirmaslik, ko‘zi yonib, kulib turish talab qilindi. Holat yuzasidan Xalq ta’limi vazirligi munosabat bildirdi.
“Maktab o‘quvchini shaxs sifatida o‘zini anglashiga yordam beradigan, o‘z xatti-harakatlari uchun mas’uliyat hissini, insoniy qadr-qimmatini ro‘yobga chiqarish qobiliyati va istagini rivojlantirishga yordam beradigan maskandir. O‘quvchilarga mana bu yozuvdagi kabi narsalarni uqtirish, singdirish yo‘li bilan ularni O‘zbekiston kelajagini quradigan yoshlar qilib tarbiyalay olmasligimiz aniq.
Ta’limda bunday insonlarning ishlayotgani achinarli juda ham!
Aslida, bola o‘zidagi mavjud muammolarni ayta olishi kerak, qayerdan bilasiz, balki u oilasida zo‘ravonlik qurboni bo‘layotgandir yoki uni qiynayotgan boshqa muammolar bordir. Rahbarlarga o‘zini yaxshi ko‘rsatish uchun amalga oshirilayotgan bunday harakatlar bilan esa bugun o‘z qo‘limiz bilan kelajagimizni barbod qilamiz! Bugun boladan mana bunday narsani talab qilayotganlar ertaga yaxshilik kutmasin!
O‘qituvchilik oddiy kasb emas, bu kasb, yurak chaqiruvidir — o‘qituvchilardan bunday narsalarni talab qilmang, hurmatli ustozlar iltimos bunday talablarga quloq tutib, kelajak taqdiri sizga bog‘liq bo‘lgan navnihollarni sindirmang!
Hokim Andijon farzandlarining otasi ekan, farzand otasiga o‘zini qiynayotgan har qanday masalani aytishga haqqi bor, otasi eshitmagan bolani ko‘chada begonalar eshitadi, bu esa yaxshilikka olib kelmaydi. Hokim ham aynan shu uchun yoshlar bilan uchrashgani kelayotgani aniq, bu yo‘l bilan o‘zingizni yaxshi ko‘rsatmang”, — deyiladi vazirlik bayonotida.
XTV tizim xodimlariga yuzlanib, “Ahmoqona topshiriqlar berishni to‘xtating!” — deya murojaat qilgan.
Izoh (3)
Andijonchasiga kiydirishibdida
Yashang hokim buva
Bu masalalari mayli O'zbekiston Respublikasi davlat gerbi 1998-yilda qabul qilinganmi, omilar sovodsizlar ko'pde yangi O'zbekistonimizda
Men yangi uzbek jamiyatini qurilayotgan yosh avlod sifatida gavdalansam va meni jamiyat yosh niholga oʻxshatishsa, bu illatni mening tanamdagi taxta qurtiga qiyoslayman. Lekin nihol oʻsishni va kengayishni davom etadi. Bu esa aksincha tanamizda qachonlardir yasholmay qolishi xaqida oʻylashni boshlaydi. Buning bir yechimi OAV sayi xarakati bilan olib chiqish va Ma’sullarning vijdonan adolatli yechim berishidadir. Bunga biz xarakat qilamiz va buni xammamiz bahamjihat yecha olamiz. Raxmat!