Kecha, 1-noyarb kuni Davlat soliq qo‘mitasi to‘lov tizimlaridan joyida to‘lovlar, QR-kod orqali to‘lov, Telegram kanallarida to‘lov – barcha to‘lovlarni fiskallashtirishni talab qilingani ortidan aksariyat servislar yuqoridagi shakllarda onlayn to‘lov qabul qilishni to‘xtatayotganini ma’lum qilishgan. Shundan so‘ng Onlayn to‘lov tizimlari QR-kod orqali va joyida to‘lovlar faoliyatini birin-ketin qayta tiklanlagan.
Holat yuzasidan Davlat soliq qo‘mitasi raisi o‘rinbosari Jahongir Abdiyev “Daryo” muxbiriga intervyu berdi. Quyida suhbatdan asosiy ma’lumotlarni taqdim etamiz.
— DSQ tomonidan to‘lov tizimlariga xabarnoma yuborgani moliyaviy jarima qo‘llaniladi degani emas. Balki ularga ogohlantirish ko‘zda tutilgani haqida tushuntirilgan.
— Onlayn to‘lov tizimi mas’ullari normativ hujjatni noto‘g‘ri talqin qilgan. Onlayn to‘lov zanjirida agar sotuvchi chek taqdim etmasa, to‘lov tizimlari aybdor bo‘lmaydi.
— Bugunga qadar 48 ta to‘lov tizimidan 26 tasi tizimni integratsiya qilib bo‘lgan. Qolgan 22 ta to‘lov tizimi hali fiskallashtirilgan tizim orqali to‘lovlarni amalga oshirmagan.
— Hozircha hech bir to‘lov tizimiga moliyaviy jarima qo‘llanilmagan.
— To‘lov tizimlari o‘z faoliyatini birdaniga to‘xtatib qo‘yishini biz oqlamaymiz. Ular nima maqsadda bu ishni qilganini ham bilmaymiz.
— To‘lovlarni fiskallashtirish masalasi kecha yoki bugun aytilmagan. Yil boshidan beri bu haqda gapiramiz.
— Onlayn to‘lov tizimi mas’ullari onlayn savdo qiluvchi tadbirkorlik subyektlariga tizimga ulanish imkoniyatlari haqida tushuntirishi kerak. Chunki ular bundan manfaatdor.
— Tadbirkorlik subektlariga onlayn tizimlari orqali faoliyat yuritishi uchun hech qanday to‘siq yo‘q va bu murakkab ham emas. Asosiy masala to‘lov tizimlarining ular bilan ishlashiga bog‘liq.
— Onlayn savdo qiluvchi tadbirkorlik subektlari 78 mingtani tashkil etadi. Shundan bory-yshg‘i 10 mingtasi onlayn to‘lov tizimlari bilan integratsiya qilgan.
— To‘lovlarni fiskallashtirish tizimi O‘zbekistonda joriy etilishidan avval Qozog‘iston, Rossiya Turkiya va Janubiy Koreya davlatlari tajribasi o‘rganilgan.
— Keshbek tizimida 1 milliln 800 nafar ishtirokchi qatnashmoqda. Shu kunga qadar xaridolarga keshbekdan 514 milliard so‘m qaytarib berilgan.
— Kelajakda ijtimoiy tarmoqlar — Instagram, Telegram va boshqa tarmoqlar orqali savdolar ya’ni xaridlar uchun to‘lovlarni P2P (kartadan kartaga o‘tkazish) holatlarini ham ko‘rib chiqmoqchimiz.
— Hozircha fuqarolar o‘rtasidagi onlayn to‘lovlarni nazorat qilish kun tartibida emas.
— Bu yo‘ldan ortga qaytmaymiz va fuqarolar huquqlarini ta’minlashga majburmiz.
Izoh (0)