Кеча, 1-ноярб куни Давлат солиқ қўмитаси тўлов тизимларидан жойида тўловлар, QR-код орқали тўлов, Telegram каналларида тўлов – барча тўловларни фискаллаштиришни талаб қилингани ортидан аксарият сервислар юқоридаги шаклларда онлайн тўлов қабул қилишни тўхтатаётганини маълум қилишган. Шундан сўнг Онлайн тўлов тизимлари QR-код орқали ва жойида тўловлар фаолиятини бирин-кетин қайта тикланлаган.
Ҳолат юзасидан Давлат солиқ қўмитаси раиси ўринбосари Жаҳонгир Абдиев «Дарё» мухбирига интервью берди. Қуйида суҳбатдан асосий маълумотларни тақдим этамиз.
— ДСҚ томонидан тўлов тизимларига хабарнома юборгани молиявий жарима қўлланилади дегани эмас. Балки уларга огоҳлантириш кўзда тутилгани ҳақида тушунтирилган.
— Онлайн тўлов тизими масъуллари норматив ҳужжатни нотўғри талқин қилган. Онлайн тўлов занжирида агар сотувчи чек тақдим этмаса, тўлов тизимлари айбдор бўлмайди.
— Бугунга қадар 48 та тўлов тизимидан 26 таси тизимни интеграция қилиб бўлган. Қолган 22 та тўлов тизими ҳали фискаллаштирилган тизим орқали тўловларни амалга оширмаган.
— Ҳозирча ҳеч бир тўлов тизимига молиявий жарима қўлланилмаган.
— Тўлов тизимлари ўз фаолиятини бирданига тўхтатиб қўйишини биз оқламаймиз. Улар нима мақсадда бу ишни қилганини ҳам билмаймиз.
— Тўловларни фискаллаштириш масаласи кеча ёки бугун айтилмаган. Йил бошидан бери бу ҳақда гапирамиз.
— Онлайн тўлов тизими масъуллари онлайн савдо қилувчи тадбиркорлик субъектларига тизимга уланиш имкониятлари ҳақида тушунтириши керак. Чунки улар бундан манфаатдор.
— Тадбиркорлик субектларига онлайн тизимлари орқали фаолият юритиши учун ҳеч қандай тўсиқ йўқ ва бу мураккаб ҳам эмас. Асосий масала тўлов тизимларининг улар билан ишлашига боғлиқ.
— Онлайн савдо қилувчи тадбиркорлик субектлари 78 мингтани ташкил этади. Шундан борй-йшғи 10 мингтаси онлайн тўлов тизимлари билан интеграция қилган.
— Тўловларни фискаллаштириш тизими Ўзбекистонда жорий этилишидан аввал Қозоғистон, Россия Туркия ва Жанубий Корея давлатлари тажрибаси ўрганилган.
— Кэшбэк тизимида 1 миллилн 800 нафар иштирокчи қатнашмоқда. Шу кунга қадар харидоларга кэшбэкдан 514 миллиард сўм қайтариб берилган.
— Келажакда ижтимоий тармоқлар — Instagram, Telegram ва бошқа тармоқлар орқали савдолар яъни харидлар учун тўловларни P2P (картадан картага ўтказиш) ҳолатларини ҳам кўриб чиқмоқчимиз.
— Ҳозирча фуқаролар ўртасидаги онлайн тўловларни назорат қилиш кун тартибида эмас.
— Бу йўлдан ортга қайтмаймиз ва фуқаролар ҳуқуқларини таъминлашга мажбурмиз.
Изоҳ (0)