Toshkentda to‘rtta mashina ishtirokida YTH yuz berdi

Toshkentning Shayxontohur tumanida to‘rtta mashina ishtirokida YTH yuz berdi. Bu haqda poytaxt IIBB YHXB matbuot xizmati xabar qildi.

1-noyabr kuni soat 17:15 larda tumanning Bunyodkor shohko‘chasida 1975-yilda tug‘ilgan B.K. Lacetti’ni boshqarib ketayotib yo‘l chetida to‘xtab turgan Spark avtomashinasiga borib urilgan.  Natijada Spark o‘zidan oldinda to‘xtab turgan Cobalt’ni, Cobalt esa zarb natijasida o‘zidan oldinda turgan Lacetti’ni urib yuborgan.

Oqibatda birinchi Lacetti haydovchisi B.K. tan jarohatlar bilan shifoxonaga yotqizilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.