O‘zbekistonda taxminan 11 soatdan beri yog‘ayotgan yomg‘ir sabab poytaxt ko‘chalarini suv bosdi. Qashqadaryo viloyatining Kitob tumanida esa sel keldi.
Tinimsiz yog‘gan yomg‘irdan so‘ng Toshkent ko‘chalarini suv bosishi, odamlar hazil tariqasida avtomobilini qayiq qilib, suvdan suzib o‘tayotgani tasvirlangan videolar tarqalsa-da, mazkur holatga hech qanday munosabat bildirilmagan.
Poytaxt mas’ullaridan farqli ravishda Qashqadaryo viloyatining Kitob tumani hokimligi yomg‘ir sabab qishloqqa sel kelgani haqida xabarlarga munosabat bildirdi.
Hokimlik axborot xizmati rahbari Qahramon Oqilovning “Daryo” so‘roviga javoban ma’lumot berishicha, sel Kitob tumanidagi “Kuhsor” MFY Jovuz qishlog‘ida yuz bergan.
Bugungi sel oqibatlarini o‘rganish va bartaraf etish bo‘yicha tuman hokimligi huzurida favqulodda vaziyatlar bo‘limi hamda tegishli tashkilotlar hamkorligida tezkor ishchi guruh tuzilib, voqea sodir bo‘lgan manzilga yuborildi. Dastlabki olingan ma’lumotlarga ko‘ra mahalliy aholi orasida jabrlanganlar yo‘q, — deydi Qahramon Oqilov.
Izoh (0)