Ijtimoiy tarmoqlarda Surxondaryo viloyati Angor tuman tibbiyot birlashmasida 3 nafar fuqaro travmatolog shifokor kaltaklangani haqida xabarlar tarqaldi. Tuman hokimligi holatga munosabat bildirdi.
Qayd etilishicha, joriy yilning 27-oktabr kuni soat taxminan 15:20 larda tuman tibbiyot birlashmasining travmatologiya bo‘limi shifokori J.E. va 3 nafar fuqaro o‘rtasida janjal kelib chiqqan. Shu yerda bo‘lgan tibbiyot xodimlari ularni ajratishgan.
Respublika sud tibbiy ekspertizaning bergan xulosasiga ko‘ra, janjal oqibatida shifokor J.E. yengil tan jarohati olgani aniqlangan.
Ushbu holat bo‘yicha tuman ichki ishlar bo‘limi tomonidan dastlabki tergovga qadar surishtiruv ishlari olib borilmoqda.
Izoh (0)