Ijtimoiy tarmoqlarda Toshkentdagi 60-sonli va 110-sonli umumiy o‘rta ta’lim maktablarida tarkibida giyohvandlik moddalari bo‘lgan saqich va shirinliklar tarqatilayotgani haqida audioxabarlar tarqaldi.
Poytaxt IIBB turli muhokamalarga sabab bo‘layotgan mazkur xabarlar bo‘yicha bosh boshqarma mas’ullari ushbu maktablarga borib o‘rganish o‘tkazgani va bu kabi holatlar qayd etilmaganini ma’lum qildi.
Qayd etilishicha, Toshkent shahridagi barcha umumta’lim maktablarida voyaga yetmaganlar masalalari bo‘yicha inspektor-psixologlar faoliyat yuritib kelmoqda. Ular tomonidan o‘quvchilar o‘rtasida turli xil salbiy holatlarni, shuningdek giyohvandlik vositalari, psixotrop yoki snyus kabi moddalarni iste’mol qilinishini oldini olish maqsadida muntazam ravishda profilaktik tadbirlar amalga oshirmoqda.
Izoh (0)