Ижтимоий тармоқларда Сурхондарё вилояти Ангор туман тиббиёт бирлашмасида 3 нафар фуқаро травматолог шифокор калтаклангани ҳақида хабарлар тарқалди. Туман ҳокимлиги ҳолатга муносабат билдирди.
Қайд этилишича, жорий йилнинг 27 октябрь куни соат тахминан 15:20 ларда туман тиббиёт бирлашмасининг травматология бўлими шифокори Ж.Э. ва 3 нафар фуқаро ўртасида жанжал келиб чиққан. Шу ерда бўлган тиббиёт ходимлари уларни ажратишган.
Республика суд тиббий экспертизанинг берган хулосасига кўра, жанжал оқибатида шифокор Ж.Э. енгил тан жароҳати олгани аниқланган.
Ушбу ҳолат бўйича туман ички ишлар бўлими томонидан дастлабки терговга қадар суриштирув ишлари олиб борилмоқда.
Изоҳ (0)