Olimlar o‘tkazgan tadqiqotda umumiy 2500 ishtirokchi ishtirok etgan va 29 ta tadqiqot ma’lumotlari ko‘rib chiqilgan. Ba’zi ishtirokchilar past glikemik indeksli parhezga rioya qilgan, shu bilan birga ularga qattiq makaronni parheziga kiritishga ruxsat berilgan. Boshqa ishtirokchilar yuqori glikemik indeksga ega bo‘lgan boshqa uglevodli ovqatlarni iste’mol qilgan. Oradan 3 oy o‘tib olimlar natijalarni e’lon qildi: makaron iste’mol qilgan insonlar o‘rtacha yarim kilogramm vazn yo‘qotdi.
Dietologlar hamma narsani me’yorida iste’mol qilish kerakligini ta’kidlaydi. Makaronning qattiq navi ortiqcha iste’mol qilinmasa, qomatga ta’sir ko‘rsatmaydi, (tadqiqot ishtirokchilari haftasiga o‘rtacha 3 ta porsiya makaronni iste’mol qilgan, har bir porsiyada taxminan yarim piyola pishirilgan makaron bo‘lgan). Bundan tashqari, makaronni sariyog‘, pishloq, kotlet, non bilan aralashtirib bo‘lmaydi. Uni sabzavot yoki tabiiy yogurt, limon sharbati, ziravorlar va ko‘katlar qo‘shilgan yengil sous bilan dasturxonga tortgan ma’qul. Yana bir muhim ish — makaronni me’yorida pishirishga harakat qiling. Shundan so‘ng makarondagi uglevodlar sekinroq so‘riladi va keyingi ovqatlanishgacha och qolmaslikka yordam beradi.
“To‘g‘ri” makaronni topish qiyin ish emas. Yorliqda: “A guruhi, 1-sinf, qattiq bug‘doydan tayyorlangan” degan yozuv ko‘rsatilishi kerak. Undan ham yaxshiroq navli makaron paketiga: “butun donli va kepakdan tayyorlangan makaron” deb yozilgan bo‘ladi.
Mavzuga doir:
- Dukkakli, makaron va konservalangan mahsulotlarni to‘g‘ri saqlash bo‘yicha tavsiyalar.
- Agar har kuni makaron mahsuloti iste’mol qilinsa, nima bo‘ladi? Mutaxassis javob beradi.
- Tovuq va pomidor qaylasidan mazali makaronli taom tayyorlaymiz.
- Faqat 2 ta mahsulot qo‘shiladigan va tez tayyor bo‘ladigan makaronli taomlar retsepti.
Izoh (0)