Олимлар ўтказган тадқиқотда умумий 2500 иштирокчи иштирок этган ва 29 та тадқиқот маълумотлари кўриб чиқилган. Баъзи иштирокчилар паст гликемик индексли парҳезга риоя қилган, шу билан бирга уларга қаттиқ макаронни парҳезига киритишга рухсат берилган. Бошқа иштирокчилар юқори гликемик индексга эга бўлган бошқа углеводли овқатларни истеъмол қилган. Орадан 3 ой ўтиб олимлар натижаларни эълон қилди: макарон истеъмол қилган инсонлар ўртача ярим килограмм вазн йўқотди.
Диэтологлар ҳамма нарсани меъёрида истеъмол қилиш кераклигини таъкидлайди. Макароннинг қаттиқ нави ортиқча истеъмол қилинмаса, қоматга таъсир кўрсатмайди, (тадқиқот иштирокчилари ҳафтасига ўртача 3 та порция макаронни истеъмол қилган, ҳар бир порцияда тахминан ярим пиёла пиширилган макарон бўлган). Бундан ташқари, макаронни сариёғ, пишлоқ, котлет, нон билан аралаштириб бўлмайди. Уни сабзавот ёки табиий йогурт, лимон шарбати, зираворлар ва кўкатлар қўшилган енгил соус билан дастурхонга тортган маъқул. Яна бир муҳим иш — макаронни меъёрида пиширишга ҳаракат қилинг. Шундан сўнг макарондаги углеводлар секинроқ сўрилади ва кейинги овқатланишгача оч қолмасликка ёрдам беради.
«Тўғри» макаронни топиш қийин иш эмас. Ёрлиқда: «А гуруҳи, 1-синф, қаттиқ буғдойдан тайёрланган» деган ёзув кўрсатилиши керак. Ундан ҳам яхшироқ навли макарон пакетига: «бутун донли ва кепакдан тайёрланган макарон» деб ёзилган бўлади.
Мавзуга доир:
- Дуккакли, макарон ва консерваланган маҳсулотларни тўғри сақлаш бўйича тавсиялар.
- Агар ҳар куни макарон маҳсулоти истеъмол қилинса, нима бўлади? Мутахассис жавоб беради.
- Товуқ ва помидор қайласидан мазали макаронли таом тайёрлаймиз.
- Фақат 2 та маҳсулот қўшиладиган ва тез тайёр бўладиган макаронли таомлар рецепти.
Изоҳ (0)