Azimjon Qurbanbayev Qoraqalpog‘iston Respublikasi qurilish vaziri vazifasini vaqtincha bajaruvchi etib tayinlangan. Bu haqda vazirlik axborot xizmati xabar berdi.
Qurbanbayev tayinlovga qadar Qoraqalpog‘iston Respublikasi transport vazirligi huzuridagi Arxitektura rejalashtirish byurosi bosh muhandisi lavozimida ishlab kelgan. Undan oldin esa bir muddat esa Ellikqal'a tumani hokimi o‘rinbosari lavozimida faoliyat olib borgan.
Ma’lumot uchun, Azimjon Qurbanbayev 1975-yili Amudaryo tumanida tug‘ilgan bo‘lib, 1998-yili Samarqand davlat arxitektura-qurilish institutini tugatgan.
“Daryo” manbasining aniqlashtirishicha, Qurbanbayevgacha qurilish vaziri bo‘lib ishlayotgan Jalg‘asbay Berdixanov o‘z arizasiga ko‘ra lavozimidan ozod etilgan.
Avvalroq Qoraqalpog‘iston Respublikasi transport vaziri Sultanbay Saparovga nisbatan intizomiy chora qo‘llanilgani, Qoraqalpog‘iston Xalq ta’limi vaziri Axmed Narimbetov va Maktabgacha ta’lim vaziri Gulzira Baxiyevaga hayfsan berilgani xabar berilgandi.
Izoh (0)