Азимжон Қурбанбаев Қорақалпоғистон Республикаси қурилиш вазири вазифасини вақтинча бажарувчи этиб тайинланган. Бу ҳақда вазирлик ахборот хизмати хабар берди.
Қурбанбаев тайинловга қадар Қорақалпоғистон Республикаси транспорт вазирлиги ҳузуридаги Архитектура режалаштириш бюроси бош муҳандиси лавозимида ишлаб келган. Ундан олдин эса бир муддат эса Беруний тумани ҳокими ўринбосари лавозимида фаолият олиб борган.
Маълумот учун, Азимжон Қурбанбаев 1975 йили Амударё туманида туғилган бўлиб, 1998 йили Самарқанд давлат архитектура-қурилиш институтини тугатган.
«Дарё» манбасининг аниқлаштиришича, Қурбанбаевгача қурилиш вазири бўлиб ишлаётган Жалғасбай Бердиханов ўз аризасига кўра лавозимидан озод этилган.
Аввалроқ Қорақалпоғистон Республикаси транспорт вазири Султанбай Сапаровга нисбатан интизомий чора қўлланилгани, Қорақалпоғистон Халқ таълими вазири Ахмед Наримбетов ва Мактабгача таълим вазири Гулзира Бахиевага ҳайфсан берилгани хабар берилганди.
Изоҳ (0)