Namangan viloyati Mingbuloq tumanida yer oldi-sotdisi bilan bog‘liq jinoyat fosh etildi, deb xabar bermoqda Bosh prokuratura.
Qayd etilishicha, fuqaro D.S.ning Namangan viloyati IIB JQB Yer resurslari talon-toroj qilinishiga qarshi kurashish bo‘linmasiga qilgan murojaatiga asosan, viloyat prokuraturasi bilan hamkorlikda tezkor tadbir o‘tkazilgan.
Tadbirda D.E. Mingbuloq tumani hududidan “R.K.” fermer xo‘jaligiga 49 yil muddatga ijara huquqi asosida ajratilgan 2,0 gektar qishloq xo‘jaligiga mo‘ljallangan ekin yer maydonini 15 ming dollarga sotishga kelishib, kelishilgan pulni ariza muallifidan firibgarlik yo‘li bilan olayotgan vaqtida ashyoviy dalillar bilan ushlangan.
Mazkur holat yuzasidan D.E.ga nisbatan Jinoyat kodeksining 168-moddasi (firibgarlik) 3-qismi “a” bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)