Наманган вилояти Мингбулоқ туманида ер олди-сотдиси билан боғлиқ жиноят фош этилди, деб хабар бермоқда Бош прокуратура.
Қайд этилишича, фуқаро Д.С.нинг Наманган вилояти ИИБ ЖҚБ Ер ресурслари талон-торож қилинишига қарши курашиш бўлинмасига қилган мурожаатига асосан, вилоят прокуратураси билан ҳамкорликда тезкор тадбир ўтказилган.
Тадбирда Д.Э. Мингбулоқ тумани ҳудудидан «Р.К.» фермер хўжалигига 49 йил муддатга ижара ҳуқуқи асосида ажратилган 2,0 гектар қишлоқ хўжалигига мўлжалланган экин ер майдонини 15 минг долларга сотишга келишиб, келишилган пулни ариза муаллифидан фирибгарлик йўли билан олаётган вақтида ашёвий далиллар билан ушланган.
Мазкур ҳолат юзасидан Д.Э.га нисбатан Жиноят кодексининг 168-моддаси (фирибгарлик) 3-қисми «а» банди билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)