O‘zbekiston aholisining 2022-yil birinchi choragi uchun umumiy daromadlari ma’lum bo‘ldi. Bu haqda Davlat statistika qo‘mitasi xabar bermoqda.
Yanvar—sentabr oylariga ko‘ra, aholining umumiy daromadlari 454,9 trln so‘mni tashkil qilgan.
Aholi daromadlari bo‘yicha real o‘sish sur’atlarini hisoblashda narx omillari ta’sirini chiqarib tashlash maqsadida inflyatsiya ko‘rsatkichlarining asosiy turlaridan biri – iste’mol narxlari indeksidan (INI) foydalaniladi.
2022- yilning yanvar—sentabr oylarida, aholi jon boshiga umumiy daromadlar hajmi o‘rtacha mamlakat darajasidan yuqori bo‘lgan hududlar:
- Toshkent shahrida (26,9 mln so‘m);
- Navoiy (20,1 mln so‘m);
- Buxoro (15,5 mln so‘m);
- Xorazm (14,1 mln so‘m);
- Toshkent (13,2 mln so‘m) viloyatlari.
Shu davrda kishi boshiga umumiy daromadlar hajmining eng quyi ko‘rsatkichlari qayd etilgan hududlar:
- Qoraqalpog‘iston (9,3 mln so‘m);
- Farg‘ona (9,7 mln so‘m);
- Namangan (10 mln so‘m);
- Jizzax (10,5 mln so‘m) viloyatlari.
Aholi jon boshiga umumiy daromadlarning eng yuqori real o‘sishi Toshkent shahar (13,8 foiz), Xorazm (12,8 foiz) va Surxondaryo (12 foiz) viloyatlarida kuzatildi.
Shu bilan birga Toshkent (0,6 foiz), Jizzax (1,3 foiz), Navoiy (3,9 foiz), Sirdaryo (5,1 foiz) viloyatlarida har bir odamga umumiy daromadlarning real o‘sishi o‘rtacha respublika darajasidan past ko‘rsatkichni tashkil etdi.
Avvalroq O‘zbekiston aholisining yil boshidan beri qancha daromad olgani ma’lum bo‘lgani haqida xabar berilgandi.
Izoh (0)