AQSH Kongressi Vakillar palatasi spikeri Nensi Pelosining turmush o‘rtog‘i Pol Pelosiga “shafqatsizlarcha hujum” uyushtirildi. Bu haqda spikerning matbuot xizmati xabar berdi, deb yozadi Meduza.
28-oktabr kuni ertalab noma’lum shaxs Pelosilarning San-Fransiskodagi uyiga bostirib kirib, Pol Pelosiga hujum qildi. Gumonlanuvchi qo‘lga olingan, politsiya voqea sabablarini o‘rganmoqda.
Pol Pelosi kasalxonaga yotqizilgan. Unga tibbiy yordam ko‘rsatilmoqda va to‘liq sog‘ayib ketishi kutilmoqda, deydi spikerning matbuot xizmati.
Nensi Pelosining o‘zi hujum vaqtida uyda bo‘lmagan.
82 yoshli Pol Pelosi San-Fransiskoda ko‘chmas mulk va investitsiya firmasiga ega.
2022-yilning may oyida Pol Pelosi avtohalokatga uchragan. Uning qonida alkogol borligi aniqlangan edi. Avgust oyida u mast holda mashina haydagani uchun besh kunlik qamoq jazosiga hukm qilingan, biroq u jazoni o‘tashi shart bo‘lmagan.
Izoh (0)