АҚШ Конгресси Вакиллар палатаси спикери Нэнси Пелосининг турмуш ўртоғи Пол Пелосига «шафқатсизларча ҳужум» уюштирилди. Бу ҳақда спикернинг матбуот хизмати хабар берди, деб ёзади Meduza.
28 октябрь куни эрталаб номаълум шахс Пелосиларнинг Сан-Францискодаги уйига бостириб кириб, Пол Пелосига ҳужум қилди. Гумонланувчи қўлга олинган, полиция воқеа сабабларини ўрганмоқда.
Пол Пелоси касалхонага ётқизилган. Унга тиббий ёрдам кўрсатилмоқда ва тўлиқ соғайиб кетиши кутилмоқда, дейди спикернинг матбуот хизмати.
Нэнси Пелосининг ўзи ҳужум вақтида уйда бўлмаган.
82 ёшли Пол Пелоси Сан-Францискода кўчмас мулк ва инвестиция фирмасига эга.
2022 йилнинг май ойида Пол Пелоси автоҳалокатга учраган. Унинг қонида алкоголь борлиги аниқланган эди. Август ойида у маст ҳолда машина ҳайдагани учун беш кунлик қамоқ жазосига ҳукм қилинган, бироқ у жазони ўташи шарт бўлмаган.
Изоҳ (0)