Xarkov viloyatining Borovskiy tumanida yana bir ommaviy qabr topildi. Ukraina milliy politsiyasining dastlabki ma’lumotlariga ko‘ra, u yerda kamida 17 kishi dafn etilgan, deb yozadi Meduza.
Huquq-tartibot idoralariga yaqin atrofdagi Kopanki qishlog‘i aholisi dafn etilganlar haqida xabar bergan. Ularning so‘zlariga ko‘ra, rus harbiylari jasadlarni butun hudud bo‘ylab yig‘ib, 13-aprel kuni ularni ikkita yuk mashinasida olib kelib, ekskavator bilan uch metrlik chuqur qazib, jasadlarni ko‘mib yuborgan. Shundan so‘ng qabriston tanklar bilan tekislangan.
Mahalliy aholining aytishicha, ruslar dafn qilingan joyda hech qanday iz qoldirmagan va boshqalarga ham u yerga borishga ruxsat bermagan.
Rossiya Xarkov viloyatidan Izyum shahrida chekinganidan so‘ng, qariyb 450 kishining ko‘milgan jasadi topilgan. Halok bo‘lganlar orasida ayollar va bolalar ham bor. Umuman olganda, 26-oktabr holatiga ko‘ra, Xarkov viloyatida jangovar harakatlar paytida halok bo‘lgan mingga yaqin odamning jasadi qazib olingan.
Izoh (0)