NATO bosh kotibi Yens Stoltenberg Rossiya va Ukraina o‘rtasida kechayotgan urushda Kremlning g‘alabasiga yo‘l qo‘yib bo‘lmasligini ta’kidladi, deb yozadi Meduza.
Stoltenbergning aytishicha, NATO Ukrainani qancha vaqt kerak bo‘lsa, shuncha qo‘llab-quvvatlashga tayyor, biroq u urushning yana qancha davom etishini oldindan taxmin qilishni istamaydi.
“Biz Putinning bu urushda g‘alaba qozonishiga yo‘l qo‘ya olmaymiz — bu ukrainaliklar uchun falokat va fojia bo‘lishi mumkin va bu bizni, NATO ittifoqdoshlarini yanada zaifroq qiladi. Chunki o‘shanda Putin o‘z maqsadlariga harbiy kuch yordamida erisha oladi degan xulosaga kelishi mumkin”, — deydi Stoltenberg.
NATO bosh kotibi, shuningdek, urushning joriy yilning fevralida emas, balki 2014-yilgi Qrimning anneksiya qilinishi bilan boshlanganligi eslatdi.
Izoh (0)