Zaporojye viloyatining bosib olingan qismida, mintaqada spirtli ichimliklar savdosi cheklangan edi. Bu haqda avvalroq mintaqaning “harbiy-fuqarolik boshqaruvi” a’zosi deb atalgan “Biz Rossiya bilan birgamiz” harakati raisi Vladimir Rogov ma’lum qildi, deb yozadi Meduza.
“Harbiy holat joriy etilgan hududda alkogolli ichimliklar savdosi cheklangan. Harbiy xizmatchilarga alkogolli ichimliklar va pivo sotish qat’iyan man etiladi”, — deb yozdi Rogov o‘zining Telegram kanalida.
Unga ko‘ra, tadbirkorlar birinchi qoidabuzarlik uchun 10 ming rubl, ikkinchisi uchun esa 30 ming rubl miqdorida jarimaga tortiladi.
20-oktabrdan boshlab Zaporojye viloyatining anneksiya qilingan qismida va Ukrainaning Rossiya tomonidan bosib olingan boshqa hududlarida harbiy holat joriy etilgan.
Izoh (0)