Харьков вилоятининг Боровский туманида яна бир оммавий қабр топилди. Украина миллий полициясининг дастлабки маълумотларига кўра, у ерда камида 17 киши дафн этилган, деб ёзади Meduza.
Ҳуқуқ-тартибот идораларига яқин атрофдаги Копанки қишлоғи аҳолиси дафн этилганлар ҳақида хабар берган. Уларнинг сўзларига кўра, рус ҳарбийлари жасадларни бутун ҳудуд бўйлаб йиғиб, 13 апрель куни уларни иккита юк машинасида олиб келиб, экскаватор билан уч метрлик чуқур қазиб, жасадларни кўмиб юборган. Шундан сўнг қабристон танклар билан текисланган.
Маҳаллий аҳолининг айтишича, руслар дафн қилинган жойда ҳеч қандай из қолдирмаган ва бошқаларга ҳам у ерга боришга рухсат бермаган.
Россия Харьков вилоятидан Изюм шаҳрида чекинганидан сўнг, қарийб 450 кишининг кўмилган жасади топилган. Ҳалок бўлганлар орасида аёллар ва болалар ҳам бор. Умуман олганда, 26 октябрь ҳолатига кўра, Харьков вилоятида жанговар ҳаракатлар пайтида ҳалок бўлган мингга яқин одамнинг жасади қазиб олинган.
Изоҳ (0)