АҚШ Ҳарбий-денгиз кучлари армия билан биргаликда гипертовушли ракетани учириб, унинг компонентларини синовдан ўтказди. Бу ҳақда Америка ҲДК хабар бермоқда. Синовлар муваффақиятли кечгани айтилмоқда.
Ракета NASA’нинг Виржиниядаги парвоз мажмуасидан учирилган. Синовлар доирасида гипертовушли қурол учун алоқа ва навигация ускуналари, шунингдек, «ҳақиқий гипертовушли муҳитда» қизиб кетишга қарши чидамли бўлган материаллар текширувдан ўтган.
Август ойида АҚШ ва Норвегия икки давлатнинг узоқ масофага учувчи гипертовушли ва тезюрар қуролларни яратиш бўйича қўшма лойиҳаси доирасида қаттиқ ёнилғида ишлайдиган ҳаво-реактив двигателли учар аппаратни синовдан ўтказган эди.
Июлда эса АҚШ Raytheon Technologies ҳарбий саноат компаниясининг гипертовушли ракетаси муваффақиятли синовдан ўтказилгани ҳақида маълум қилганди.
Гипертовушли қурол синовдан ўтказилгани ҳақида Пентагон 13 июлда ҳам хабар берган, ўшанда синовлар Россия ва Хитойда гипертовушли ракеталар синови муваффақиятлироқ кечаётгани туфайли, АҚШ хавотирлари кучайиб бораётган бир пайтда ўтказилаётгани айтилганди.
Изоҳ (0)