«World жустиcе прожеcт» халқаро ташкилотининг Ҳуқуқ устуворлиги индексининг 2022 йилги натижалари эълон қилинди. Янгиланган рейтингда Ўзбекистон 7 поғона кўтарилиб, 140 мамлакат орасида 78-ўринни эгаллади.
Мамлакат 2021 йилда ушбу рейтингда 85-ўринда эди. Мазкур рейтингда экспертлар давлатларнинг қонунийликни таъминлашга қаратилган ислоҳотлари самарадорлиги ва унинг аҳоли кундалик ҳаётга таъсирини баҳолайди.
Индекснинг «Коррупциянинг мавжуд эмаслиги» факторида ҳам Ўзбекистон кўрсаткичида ўсиш қайд этилиб, 0.47 балл билан 66-ўринга кўтарилган. Охирги эълон қилинган рейтингда республика 0.46 балл билан 70-ўринни эгаллаган эди.
Ташкилотнинг маълум қилишича, мамлакатнинг коррупцияга оид ушбу фактордаги кўрсаткичлари сўнгги 5 йил давомида мунтазам кўтарилиб келмоқда. Хусусан, 2016 йили Ўзбекистон 0.33 балл билан 113 мамлакат орасида 96-ўринни олган.
Изоҳ (0)