Margarita Simonyan unga Armanistonga kirishni taqiqlashgani haqida ma’lum qildi

Rossiyaning RT (Russia Today) telekanali bosh muharriri Margarita Simonyanga Armanistonga kirish taqiqlandi. Bu haqda uning o‘zi Telegram kanalida ma’lum qildi. Shuningdek, Rossiya Davlat Dumasi deputati Konstantin Zatulinga ham shunday taqiq qo‘yilgan.

“Ko‘p yillar davomida Armanistonni qattiq qo‘llab-quvvatlab kelayotgan Konstantin Zatulinga Armanistonning amaldagi rahbari tomonidan mamlakatga kirish taqiqlandi. Aytgancha, menga ham”, — deb yozdi u Telegram kanalida.

Armaniston hukumati Simonyanning mamlakatga kirishini taqiqlagani haqida rasmiy tasdiq yo‘q.

Simonyan Yerevanning bunday qarori sabablarini keltirmagan va taqiq qachon joriy etilganiga aniqlik kiritmagan. Ilgari u o‘z bayonotlari bilan bir necha bor Armaniston rasmiylarining tanqidiga sabab bo‘lgandi.

Margarita Simonyan Krasnodarda arman oilasida tug‘ilgan.