«ПСЖ» ҳужумчиси Лионель Месси Чемпионлар Лигаси 5-тури доирасида «Маккаби»га қарши кечган баҳсда (7:2) дублга эришди ва иккита голли узатма муаллифига айланди.
35 ёш-у 123 кунлик Месси Чемпионлар Лигаси ўйинида «гол+пас» тизимида 2+2 очко тўплаган энг ёши катта футболчига айланди.
Лео 2019 йилнинг 29 октябридан кейин илк бор бир учрашувда иккитадан гол ва ассист амалга оширди. Сўнгги бор у уч йил аввал «Барселона» сафида Ла Лигада «Вальядолид»га қарши ўйинда (5:1) шундай натижа қайд этганди.
Месси Чемпионлар Лигасида 23 марта жарима майдони ташқарисидан гол урди ва бу борада Криштиану Роналдуни (22) ортда қолдирди.
Месси жорий мавсум «ПСЖ» сафида 16 та ўйин ўтказиб, 11 та гол ва 12 та голли узатма муаллифига айланди. Месси 2022/23 йилги мавсумда топ-5 лигалар футболчилари орасида биринчи бўлиб «гол+пас» тизимида 10+10 тўплади.
Изоҳ (0)