Futbol bo‘yicha O‘zbekiston Supeligasining 23-turidan o‘rin olgan uch o‘yin 25-oktabr, seshanba kuni bo‘lib o‘tdi.
“Nasaf” o‘z maydonida “Bunyodkor”ni qabul qildi. Uchrashuvning 23-daqiqasida Jasurbek Hakimov hisobni ochdi. Ikkinchi bo‘lim boshida qarshiliklar a’zosi Husayn Norchayev muvozanatni tikladi. Qolgan daqiqalarda darvozalar daxlsizligi saqlanib qoldi va o‘yin durang natija bilan yakunlandi.
Qarshi jamoasi ochkolari sonini 46 taga yetkazdi va musobaqa peshqadami bo‘lib turibdi. “Bunyodkor” esa 28 ochko bilan 9-pog‘onada joylashgan.
“Navbahor” esa “Olimpik”ka qarshi maydonga tushdi. O‘yinning 42-daqiqasida Muhammadqodir Hamraliyev hisobni ochdi. 85-daqiqada Jamshid Iskanderov namanganliklarga durang olib keladigan gol muallifiga aylandi.
Namanganliklar durang natijadan so‘ng 44 ochko bilan 3-o‘rinni band etgan bo‘lsa, “Olimpik” 29 ochko bilan 8-pog‘onadan joy olgan.
“Metallurg” “Neftchi” bilan bahs olib bordi. Uchrashuvdagi yagona gol Bektemir Abdumannonov hisobiga yozildi.
“Metallurg” 32 ochko bilan 7, “Neftchi” 26 ochko bilan 10-o‘rinda bormoqda.
Superliga
23-tur bahslari
25-oktabr, seshanba
“Nasaf” — “Bunyodkor” 1:1
Gollar: 0:1 — 23 Jasur Hakimov, 1:1 — 47 Husayn Norchayev.“Nasaf”: 1. Umid Ergashev, 2. Alibek Davronov, 4. Husniddin Aliqulov, 5.G‘olib G‘aybullayev, 7. Sharof Muhitdinov (34. Sherzod Nasrullayev, 66), 8. Dilshod Saitov, 10. Husayn Norchayev (18. Bahrom Abdurahimov, 66), 19. Lima Kruz, 22. Akmal Mozgovoy, 77. Oybek Bozorov (27. Zafarmurod Abdirahmatov, 83), 88. Marko Stanoyevich.
“Bunyodkor”: 32. Suhrob Sultonov, 3. Mahmud Mahamadjonov, 4. Davron Ergashev, 5. Jasur Yoqubov, 8. Fransis Narx (34. Suhrob Izzatov, 87), 15. Jasur Hakimov, 18. Pavel Mogileves (62. Abdulloh Omonaliyev, 59), 22. Usmonali Ismonaliyev, 29. Muzaffar Olimjonov, 33. Umarali Rahmonaliyev, 88. Jahongir O‘rozov.
Ogohlantirishlar: Abdulloh Omonaliyev (60), Jasur Hakimov (83), Davronjon Ergashev (84).
“Navbahor” — “Olimpik” 1:1
Gollar: 0:1 — 42 Muhammadqodir Hamraliyev, 1:1 — 85 Jamshid Iskanderov.“Navbahor”: 1. O‘tkir Yusupov, 4. Boyan Siger, 6. Rustamjon Ashurmatov, 10. Jamshid Iskanderov, 14. Jamshid Boltaboyev, 17. Diyorjon Turopov (20. Doniyor Abdumannopov, 61), 19. Nurillo To‘xtasinov (7. Azimjon Ahmedov, 61), 22. Igor Golban, 23. Yovan Jokich, 28. Stanislav Andreyev, 32. Zoran Marushich.
“Olimpik”: 13. Hamidullo Abdunabiyev, 2. Saidazamat Mirsaidov, 5. Muhammadqodir Hamraliyev, 6. Behzod Shamsiyev, 7. Ruslanbek Jiyanov, 11. Otabek Jo‘raqo‘ziyev, 19. Dostonbek Tursunov (17. Jaloliddin Sodiqov, 63), 21. Muhammadaziz Ibrohimov (44. Shahzod Toirov, 63), 22. Po‘latxo‘ja Xoldorxonov, 23. Abdurauf Bo‘riyev, 37. Alisher Odilov (70. Abubakrrizo Turdialiyev, 63).
Ogohlantirishlar: Stanislav Andreev (27), Po‘latxo‘ja Xoldorxonov (48).
“Metallurg” — “Neftchi” 1:0
Gol: 1:0 — 44 Bektemir Abdumannonov.“Metallurg”: 12. Aleksandr Lobanov, 80. Farrux Ibrohimov, 18. Anvar G‘ofurov, 6. Xudoyshukur Sattorov, 94. Farhod Bekmurotov, 27. Ixtiyor Toshpo‘latov, 22. Shahzodbek G‘ofurbekov, 30. Ibrohim Ibragimov (4. Kerim Palich, 78), 14. Abrorbek Toshqo‘ziyev, 10. Bektemir Abdumannonov, 9. Zabihillo O‘rinboyev (25. Shahzodjon Ne’matjonov, 78).
“Neftchi”: 45. Akbar To‘rayev, 4. Andrey Mishenko, 26. Oleksey Larin, 20. Salamat Quttiboyev, 22. Umar Adhamzoda, 13. Lutfulla To‘rayev, 19.Mirzohid G‘ofurov, 77. Abror Ismoilov, 6. Sirojiddin Qo‘ziyev (9. Sunnatilla Abdullajonov, 46), 11. Izzatilla Abdullayev, 99. Ulug‘bek Hoshimov (70. Abbosjon G‘ulomov, 46).
Izoh (0)