“Manchester Yunayted” hujumchisi Krishtianu Ronaldu prokuror qilganidek “Yuventus”dagi maoshini ochiqlashni rad etdi.
La Stampa nashrining xabariga ko‘ra, Turin jamoasi prokurori “Yuventus”ning moliyaviy qoidabuzarlarini tekshirish doirasida mankunianliklar sharafini himoya qilayotgan Ronaldudan Italiyadagi maoshi qancha bo‘lganini so‘ragan.
Krishtianu esa buni rad etgan va Turin prokuraturasi bilan hamkorlik qilishdan bosh tortgan.
2021-yilning noyabr oyidan buyon “Yuventus” prezidenti Andrea Anyelli, vitse-prezident Pavel Nedved, shuningdek, to‘rt nafar xodim kuzatuv ostidaligi ma’lum bo‘lgandi. Ular 50 million yevro atrofida soxta moliyaviy hisobot tayyorlaganlikda ayblanmoqda.
Eslatib o‘tamiz, “Tottenhem”ga qarshi bahsda zaxirada qoldirilgan Ronaldu uchrashuv yakunlanmasidan kiyinish xonasiga ravona bo‘lgan.
“Manchester Yunayted” ustozi Erik ten Hag futbolchini jamoaviy mashg‘ulotlardan ma’lum muddatga chetlatgan va “Chelsi”ga qarshi o‘yin qaydnomasiga kiritmagan.
Avvalroq mankunianliklar bosh murabbiyi portugaliyalik hujumchi qilmishi uchun uzr so‘rab, o‘yinlarning asosiy daqiqasidan maydonga tushmaslikka rozi bo‘lsa, uni asosiy tarkibga qaytarishga tayyorligi xabar qilingandi.
37 yoshli hujumchi joriy mavsum APLda 8 ta o‘yinda ishtirok etib, bitta gol muallifiga aylandi.
Izoh (0)