Farg‘onada Nexia-3 savdo shoxobchasi oldida turgan to‘rtta mashinaga borib urildi. Bu haqda viloyat YHXB xabar berdi.
Ma’lum qilinishicha, 25-oktabr kuni soat 22:15 larda Nexia-3 haydovchisi boshqaruvni yo‘qotib Marg‘ilon shahar, B.Marg‘iloniy ko‘chasidagi savdo shoxobchasi oldida turgan Spark, Matiz, Cobalt va Gentra rusumli 4 ta avtomobilga kelib urilgan.
Natijada Nexia-3 avtomobil haydovchisi yengil tanjarohati olib shifoxonaga murojaat qilgan. Savdo shoxobchasi oldida turgan transport vositalariga esa texnik shikast yetgan.
Hozirda ushbu holat yuzasidan tergovga qadar tekshiruv harakatlari olib borilmoqda.
Mavzuga doir:
Izoh (0)