Ijtimoiy tarmoqda Qoraqalpog‘istonning Nukus shahrida yo‘lning qarama-qarshi tomonida raqamsiz Cobalt katta tezlikda drift qilib yurgani aks etgan video tarqaldi. Holatga oydinlik kiritish maqsadida “Daryo” muxbiri Qoraqalpog‘iston YHXB bilan bog‘landi.
Boshqarma matbuot xizmati rahbari Tursinbay O‘temuratovning “Daryo” muxbiriga ma’lum qilishicha, holat Nukusning O‘zbekiston (sobiq To‘rtko‘l) guzarida kuzatilgan. Hozirgi vaqtda Cobalt bilan birga videoni tasvirga olgan Nexia-3 haydovchisi ham qidirilmoqda.
Tursinbay O‘temuratovning qo‘shimcha qilishicha, mashinalar raqamsiz harakatlangani uchun ularni topish ishlari biroz vaqtni olishi mumkin. Ammo ayni vaqtda butun Nukusdagi kamera yozuvlari tekshirilmoqda.
Bundan bir muddat oldin Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgandi.
Mavzuga doir: Toshkent viloyatida YPX inspektori avtohalokatga uchradi
Izoh (0)