Jurnalist va professor, O‘zbekiston Milliy media assotsiatsiyasi boshqaruvi raisi hamda O‘zbekiston jurnalistika va ommaviy kommunikatsiyalar universiteti rektori Sherzodxon Qudratxo‘ja “SMA UMID” xayriya fondining yuzi sifatida tanlab olindi. Bu haqda “Daryo”ga O‘zbekiston Milliy media assotsiatsiyasi xabar berdi.
Ma’lum bo‘lishicha, ushbu xayriya fondi davolanishi va namoyon bo‘lishi jihatidan murakkab, mamlakat tibbiyoti uchun yangilik bo‘lgan Spinal mushak atrofiyasi (SMA) bilan kasallangan bolalar va ularning ota-onalariga moddiy, ma’naviy ko‘mak berish maqsadida o‘z farzandlarida kasallik kuzatilgan — Nig‘matilla Yunusov va Sherzod Rahmonov tomonidan tashkil etilgan.
“SMA UMID” xayriya fondining ilk Kengashi yig‘ilishida fond yurituvchisi va yuzi sifatida Sherzodxon Qudratxo‘ja tayinlangan.
Bu kasallik bilan og‘rigan bolalar uchun kerakli bo‘lgan dori vositalari xorijiy mamlakatlardan kelishi va sanoqli kompaniyalar tomonidan kam miqdorda ishlab chiqarilishi sababli juda qimmatbaho bo‘lib, jamg‘armaning asosiy maqsadi ushbu kasallik aniqlangan bolalarni darhol shifokor ko‘rigiga yetkazish, ular uchun zarur miqdordagi dori vositalari uchun moddiy yordam ko‘rsatish hamda bolalarning ota-onalarga manaviy ko‘mak berishdan iborat. Jamg‘arma mablag‘larni xayriya yo‘li orqali yig‘adi va ommaga ochiq holda, maqsadli tarqatadi, — deydi O‘zbekiston Milliy media assotsiatsiyasi mas’ullaridan biri Zayniddin Norquvvatov.
Izoh (0)